Tito Sotto at Joey de Leon, kampanteng mapapanalo ang kasong sinampa laban sa Tape Inc. at GMA

Maaga kaming nagtungo sa Marikina RTC para mawitness ang first hearing ng TVJ laban sa Television and Production Exponents Inc , producer ng longest-running noontime show na Eat Bulaga.

Sina Tito Sotto at Joey de Leon lamang ang umapir kasama ng kanilang at ang isa pang plaintiff na si Jenny Ferre kasama ang kanilang legal counsels na sina Atty. Enrique dela Cruz and Atty. Isaiah Asuncion.

Matatandaang ang TVJ ay nagsampa ng kasong “Copyright Infringement and Unfair Competition under R.A. No. 8293, otherwise known as the Intellectual Property Code of the Philippines, with Application for Issuance of a Writ of Preliminary Injunction” ang TVJ sa MRTC noong June 30.

In their petition, TVJ claims that they own the copyright to the show EAT BULAGA and its underlying derivative works (music, segments, and audio visual clips) that likewise deserve protection.

Sa nasabing unang pagdinig ay naupo si Joey sa witness stand at inilahad kung paano niya naisip ang titulong “Eat Bulaga” at kung paano nila binuo ang show with its iconic songs and all its segment.

Inabangan naman ng media  ang pagbaba nina Joey at Tito at dito ay nagpaunlak sila mg maikling interview.

Pahayag ni Tito Sen, “ang bottom line ng pinag-uusapan namin at sinasabi namin dito, copyright. Sino ang may-ari ng copyright? ‘Yung gumawa.

Trademark? Ang trademark, mayroon pa ngang cancellation, eh. Mayroon siyang tinatawag na after 10 years, nawawala.”

Dagdag pa niya, “ang tanong dito kasi, na sinasabi nga namin sa korte, ‘sino ang may-ari ng pangalang Eat Bulaga?’ So, we’re saying that they are deceiving the people by saying na sila ‘yung ‘Eat Bulaga.’ Hindi ba?

“So, pwede namang ituloy nila ‘yung programa nila kung gusto nila, pero palitan nila ‘yung pangalan nila. ‘Yun ang punto namin.”

Ipinunto rin ni tito Sen ang pag-ere ng replays ng “Eat Bulaga” sa GMA-7 mula May 31 hanggang June 3 nang walang permiso mula sa kanila.

“Infringement ‘yun sapagkat wala silang paalam sa amin. Tulad ng ginawa nila noong (May) 31 hanggang June 3, nagreplay sila nang nagreplay,” sabi pa ni tito Sen.

Nang tanungin kung gaano sila kakumpiyansa na maipapanalo ang kaso, sey ni Tito “we’re very confident, with God’s help, I’m sure, the truth will come out. At alam ng taong bayan, alam ng Panginoong Diyos, alam ng publiko kung sino ang nag-imbento ng pangalang ‘Eat Bulaga.’”

Pahayag naman ni Joey, “basta kami, nagsabi lang kami ng totoo, nagsabi lang kami ng totoo. ‘Yun lang, bahala na kayo.”

Samantala, bukas ang pahinang ito sa panig ng Tape Inc. at GMA Network.